| AFC Cup 2009 Last 4 Round 2
South China 0(1):1(3) Kuwait SC
Scored by Alajmi 足球可以團結一班人, 在世界某何一個地方都可以.
"香港足球能夠團結香港人"呢句說話今晚係香港大球場實現了.
如此壯觀ge景象! 我好慶幸自己能夠成為其中一份子.
全場有37459名球迷支持我地ge主隊南華, 我也是1/37459.
大部份球迷都著左紅衫, 令到1021晚上, 整個大球場, 以至銅鑼灣都出現紅潮.
有幾咁靚, 我唔可以係到用文字去表達. 真係... 總之... 好靚... 一生難忘!!
全場爆滿, 令香港大球場支紅旗繼03年皇馬6條煙到訪後再次高掛.
今晚, 我地冇施丹, 冇碧咸, 冇大哨, 冇魯爾, 冇卡路士, 冇費高,
有ge只係一班為香港足球而戰ge普通球員,
但因著身份ge關係, 我地走埋一齊, 同一條心, 令大球場紅旗再現. 球賽結果係南華輸左, 唔可以創作歷史, 打入final.
但呢晚, 冇人怪球員, 冇人鬧球員, 因為我地只道佢地已經盡曬力.
如果冇左呢班球員, 我地呢37459人唔可以有一個咁難忘ge晚上. 今晚, 大球場打氣聲不斷, 我地同球員心連心, 南華攻ge時候,
所有人都落力打氣. 換轉係科威特, 大家連番噓聲去招呼佢地~
卡尼祖禁區被侵犯, 球證冇吹12碼, 全場37459人齊"小"球證!!
強哥入波被吹offside, 全場37459都睇到佢冇off到, 唯獨班球證睇唔到,
於是, 球迷不斷將垃圾掟落球場, 科威特後備席係重災區, 兼且仲掟到旁證,
然後, 我地大家一齊狂拍凳, 好似地震咁...
賽後有球員仲話3萬幾人一齊拍凳好似有十幾架飛機係頭頂飛過咁
呢一切都只因我地團結, 槍口對外!! 當科威特係82'入波ge時候, 大家個心都碎左,
好失望, 好傷心, 我同好多球迷一樣都呆左,
我自己本身係d好似喊ge人, 呢一球令到我眼淚從心流... 中場休息ge時候, 科威特後備球員對住空門炒飛機,
個波射左上去南看台, 於是我地開始玩傳波, 個波一路傳, 傳過到我果區.
不過好不幸, 最後去到班科威特fans到, 有條友仔高舉個波,
個個都"小"佢, 仲搵d垃圾掟佢, 笑死我!! 今晚, 我都睇到球員真係成熟左,
強哥慘食白果後, 我地情緒好激動, 發左癲咁,
呢個時候, 一班南華球員行過黎安撫我地, 仲親自將我地掟去球場d垃圾拎開~
真係好touched~ 抵你地有37459人入場支持你地架!! 其實, 今晚唔止有37459人支持南華, 門口仲有一班買唔到飛ge球迷,
有d仲係專程由澳門過黎ge~
佢地明知入唔到場睇, 都肯守候係門口, 感受著場內既氣氛.
呢d情況, 唔係淨係奧脫福, 班拿貝先有架咩?
有邊入場人士會覺得自已係香港大球場架??
大陸d直播網站都錄8萬人睇波場直播, 加埋J2, 可能有成10萬留意呢場波呀!! 球證全班西亞人, 一有五五波就罰南華,
真係嬲到我地癡曬線呀!!
人地真係踢緊14個架!!! 結果南華係輸左波, 但係嬴得球迷歡心,
完場後, 球員都坐係地下一言不發,
此時, 全場球迷一齊向球員鼓掌.
有d球員當場落淚, 返到更衣室後, 個個都眼紅紅.
我返到屋企睇南華blog, 新聞, 相, videos...
都係一路睇一路喊, 大把人都係咁!!!!
喊係因為感動, 因為不憤個黑哨!! 我地約定好下年再次用念力將南華送入決賽!!
我地下年要因為捧盃而流淚!! kuwait's players
kuwait's fans
紅海!!
球員進場...不配fifa anthem, 不配公平競技旗呀! UNFAIR!!!
有人...舉.中.指><
頂唔入><
強哥~
邦邦~
JJ~
好耐冇見ge auchung!!!!^^
又扮野!!
失望...
互相扶持...
感動...
  祐人さんはかわいいです！（笑）
|
